Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପିଲାଚୋର ଗୁଜବ ଅଣାୟତ୍ତ ହେବାରୁ ପୋଲିସ ଡିଜିପି ଜାରି କଲେ ୭ ପଏଣ୍ଟ ଆଡଭାଇଜରୀ

29/05/2018 at 11:01 PM

ପିଲାଚୋର ଗୁଜବ ଅଣାୟତତ୍ତ ହେଲାଣି । ୩ ଦିନ ହେଲାଣି ରାଜ୍ୟର କେଉଁଠି ନା କେଉଁଠି ଅଚିହ୍ନା ଲୋକ ବା ମାନସିକ ଅନଗ୍ରସର ନିରୀହ ନିର୍ଦ୍ଦୋଶଙ୍କୁ ଲୋକେ ଆକ୍ରମଣ କରୁଛନ୍ତି । ଏହି ଗୁଜବକୁ ନେଇ କଳାହାଣ୍ଡି କେସିଙ୍ଗାରେ ଜଣେ ଯୁବକକୁ ଛେଚିଛନ୍ତି ଲୋକେ । ଏହି ପିଲାଚୋର ସନ୍ଦେହକୁ ନେଇ ଗଞ୍ଜାମ ଜିଲ୍ଲା ଗୋବିନ୍ଦପୁର ଗାଁରେ ହୋଇଛି ଲଙ୍କାକାଣ୍ଡ । ପୋଲିସ ଉପରେ ଆକ୍ରମଣ କରିବାକୁ ଲୋକେ ପଛାଇନାହାନ୍ତି । ସେପଟେ ଡିଜିପି ଅପିଲକୁ ଲୋକେ ବେଖାତିର କରିବାରୁ ଏବେ ପୁଣି ୭ ପଏଣ୍ଟର ଆଡଭାଇଜରୀ ଜାରୀ କରିଛନ୍ତି ଡିଜିପି ।
ସୋସିଆଲ ମିଡିଆରେ ପିଲା ଚୋର ଗୁଜବ ଓ ନୀରିହ ଲୋକଙ୍କୁ ଆକ୍ରମଣ ଘଟଣା ଅଣାୟତ୍ତ ହେଉଥିବା ଦେଖି ଆଡଭାଇଜରୀ ଜାରି କରିଛନ୍ତି ପୋଲିସ ମହାନିର୍ଦ୍ଦେଶକ । ଗୁଜବ ସୃଷ୍ଟିକାରୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଦେଶନାମା ଜାରି କରିଛନ୍ତି । ନୀରିହ , ନିର୍ଦ୍ଦୋଶ ଲୋକଙ୍କୁ ପିଲାଚୋର ସନ୍ଦେହରେ ଆକ୍ରମଣ କରୁଥିବା ବ୍ୟକ୍ତିଙ୍କ ଉପରେ ତୁରନ୍ତ କାର୍ଯ୍ୟାନୁଷ୍ଠାନ ପାଇଁ ସମସ୍ତ ଥାନା ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ ।

Leave a Reply

   Related Posts