Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢେଙ୍କାନାଳ : କପିଳାଶ ଜାଗର ଯାତ୍ରା ପାଇଁ କଟକଣା, ଜିଲ୍ଲା ବାହାର ଭକ୍ତଙ୍କୁ ମନା, ଜିଲ୍ଲାବାସୀଙ୍କ କୋଭିଡ୍ ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • କଟକ : ରାଜ୍ୟରେ ପୁଣି ବଢିଲା ବସ୍ ଭଡା, ସାଧାରଣ ଓ ଏକ୍ସପ୍ରେସ କିଲୋମିଟର ପିଛା ୫ପଇସା, ଡିଲକ୍ସ ଓ ଏସି ଡିଲକ୍ସ ୧୦ପଇସା ବୃଦ୍ଧି
  • ||
  • ଧର୍ମଗଡ : ବାଇକ୍ ଉପରେ ମାଡିଗଲା ବସ୍, ଘଟଣାସ୍ଥଳରେ ୩ ମୃତ
  • ||
  • ସାନଖେମୁଣ୍ଡି : ବାରହା ଆକ୍ରମଣରେ ୭ ଆହତ, ଗ୍ରାମବାସୀ ଭୟଭୀତ
  • ||
  • ରାଉରକେଲା : ଶିଶୁପାଳ ହୋଇ ଫେରିଲା ବର, ଅଧାରୁ ବନ୍ଦ ହେଲା ବାଲ୍ୟ ବିବାହ
  • ||
  • ଆଠଗଡ : ସରିଯାଉଛି ଟୋକନ ଅବଧି, ମଣ୍ଡିରୁ ଉଠୁନି ଧାନ, ପ୍ରତିବାଦରେ ଚାଷୀଙ୍କ ରାସ୍ତା ଅବରୋଧ
  • ||
  • ଭଦ୍ରକ : ଅଷ୍ଟପ୍ରହରୀ ଚାନ୍ଦା ପାଇଁ ଗଛରେ ବାନ୍ଧି ନିସ୍ତୁକ ମାଡ ଅଭିଯୋଗ, ଥାନାରେ ଏତଲା
  • ||
  • ନୀଳଗିରି : ନୀଳଗିରି ସହରରେ ବୁଲୁଛି ଭାଲୁ, ଲୋକେ ଭୟଭୀତ
  • ||
  • ରାଉରକେଲା : ଛାତ୍ରଙ୍କ ନାଁରେ ଜିଏସଟି ଠକେଇ ଅଭିଯୋଗ, ୩୮କୋଟି ଟଙ୍କାର ଠକେଇ ନେଇ ନୋଟିସ୍
  • ||
  • ସାନଖେମୁଣ୍ଡି : ଥାନାଠାରୁ ୧ କି.ମି. ଦୂରରେ ଚାଲିଥିଲା ବେଆଇନ ବିଦେଶୀ ମଦ ବିକ୍ରି, ଚଢାଉ କରି ନଷ୍ଟ କଲା ପୋଲିସ
  • ||

‘ନିପାହ’ ଭାଇରସ୍ ଆତଙ୍କ

21/05/2018 at 11:47 PM

କେରଳ କୋଝିକୋଡ୍ ଏବଂ ମାଲାପୁରମ ଜିଲ୍ଲାରେ ନିପାହ ଭାଇରସ୍ ଆତଙ୍କ । ଏହି ଘାତକ ଭାଇରସ୍ ଏପର୍ଯ୍ୟନ୍ତ ୧୦ଜଣଙ୍କ ଜୀବନ ନେଲାଣି । ୬ରୁ ଅଧିକ ଆକ୍ରାନ୍ତଙ୍କ ଅବସ୍ଥା ସଂକଟାପନ୍ନ ରହିଛି । ୨୫ଆକ୍ରାନ୍ତଙ୍କ ସ୍ବାସ୍ଥ୍ୟବସ୍ଥା ଉପରେ ନଜର ରଖାଯାଇଛି । ଏହି ଭାଇରସ୍ ସଂପର୍କରେ ଅଧିକ ଅନୁଧ୍ୟାନ ଲାଗି ପ୍ରଭାବିତ ଇଲାକାରେ କେନ୍ଦ୍ରୀୟ ସ୍ବାସ୍ଥ୍ୟ ବିଭାଗର ଏକ ଟିମ୍ ପହଞ୍ଚିଛି ।

ଗତ ୧୫ଦିନ ଧରି କେରଳର ଦୁଇଟି ଜିଲ୍ଲାରେ ଘାତକ ସାଜିଛି ନିପାହ ଭାଇରସ୍ । ଦୁଇଟି ଜିଲ୍ଲାରେ ବ୍ୟାପିବାରେ ଲାଗିଛି ଏହି ଭାଇରସ୍ । ପୁନେ ସ୍ଥିତ National Virology Institute ଭାଇରସ ଜନିତ ମୃତ୍ୟୁ ନେଇ ସ୍ପଷ୍ଟ କରିବା ପରେ କେନ୍ଦ୍ର ସ୍ୱାସ୍ଥ୍ୟ ବିଭାଗ ହାଇ ଆଲର୍ଟ ଜାରି କରିଛି । ପ୍ରଭାବିତ ଇଲାକାରେ ସ୍ଥିତି ଅନୁଧ୍ୟାନ କରୁଛି କେନ୍ଦ୍ରୀୟ ସ୍ବାସ୍ଥ୍ୟ ବିଭାଗ ଟିମ୍ । ଏହି ଭାଇରସ୍ ର ମୁକାବିଲା ଲାଗି ଏଯାଏ କୌଣସି ଭାକସିନ୍ ବାହାରି ନାହିଁ । ତେଣୁ ଆକ୍ରାନ୍ତଙ୍କୁ ଇନଣ୍ଟେନସିଭ୍ କେୟାରରେ ରଖି ଚିକିତ୍ସା କରିବା ବ୍ୟତିତ ଆଉ କିଛି ବାଟ ନାହିଁ ।

ନିପାହ ଭାଇରସ୍ ଦ୍ବାରା ଆକ୍ରାନ୍ତଙ୍କର ୩ରୁ ୧୪ଦିନ ଧରି ଅତ୍ୟଧିକ ଜ୍ବର ହେବା ସହ ମୁଣ୍ଡବିନ୍ଧା, ଅବଶ, ମତିଭ୍ରମ ଦେଖାଯାଇଥାଏ । ତୁରନ୍ତ ଚିକିତ୍ସା ନହେଲେ ୪୮ଘଣ୍ଟା ଭିତରେ ଆକ୍ରାନ୍ତ କୋମା ସ୍ଥିତିରେ ପହଞ୍ଚି ଯାଇପାରେ । ଡାକ୍ତରଙ୍କ ଅନୁଯାୟୀ ନିପାହ ଭାଇରସ୍ ବ୍ୟାପିବା ପଛରେ ବାଦୁଡିର ବଡ ଭୂମିକା ରହିଛି । ନିପାହ ଭାଇରସ୍ ଆକ୍ରାନ୍ତ ବାଦୁଡି ଖାଇଥିବା ଫଳ ଖାଇବା ଦ୍ବାରା ବା ଏହାର ସଂସ୍ପର୍ଶରେ ଆସିବା ଦ୍ବାରା ରୋଗ ବ୍ୟାପିଥାଏ । ତେଣୁ ମାଟିରେ ପଡିଥିବା ଫଳ ଖାଇବା ସଂପୂର୍ଣ୍ଣ ଅନୁଚିତ । ଆକ୍ରାନ୍ତ ଘୁଷୁରୀ ମଧ୍ୟ ନିପାହ ଭାଇରସ୍ର ବଡ ବାହକ । ଅନ୍ୟ ଆକ୍ରାନ୍ତ ବ୍ୟକ୍ତିଙ୍କ ସଂସ୍ପର୍ଶରେ ଆସିଲେ ମଧ୍ୟ ଏହି ଭାଇରସ ବ୍ୟାପେ ।

୧୯୯୮ରେ ଏହି ଭାଇରସ୍ ପ୍ରଥମେ ମାଲେସିଆରେ ବ୍ୟାପିଥିଲା । ପ୍ରଥମେ ଦେଖିବାକୁ ମିଳିଥିବା କାପୁଙ୍ଗ ସୁଗଇ ନିପାହ ଗାଁ ଅନୁଯାୟୀ ଭାଇରସ୍ର ନାଁ ରହିଛି ନିପାହ । କେରଳ ଆଗରୁ ୨୦୦୧ ଏବଂ ୨୦୦୭ରେ ପଶ୍ଚିମବଙ୍ଗରେ ମଧ୍ୟ ନିପାହ ଭାଇରସ୍ ବ୍ୟାପିଥିଲା । ଏହି ସମୟରେ ୭୧ଜଣ ଆକ୍ରାନ୍ତଙ୍କ ଭିତରୁ ୫୦ଜଣଙ୍କ ମୃତ୍ୟୁ ମଧ୍ୟ ହୋଇଥିଲା । ଏବେ କେରଳରେ ଦେଖିବାକୁ ମିଳିଛି । ମାରାତ୍ମକ ନିପାହ ଭାଇରସଠୁ ବଞ୍ଚିବା ପାଇଁ ଆବଶ୍ୟକ ହେଉଛି କେବଳ ସତର୍କତା ।

Leave a Reply

   Related Posts