Sunday, February 17, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

ଢେଙ୍କାନାଳ RTOଙ୍କ ଘରେ ଭିଜିଲାନ୍ସ ଚଢାଉ

ଢେଙ୍କାନାଳ ଆରଟିଓ ବସନ୍ତ ବେହେରା ଫୁଲ୍ ମାଲଦାର୍ । ଦୁର୍ନୀତି କରି କୋଟି କୋଟି ଟଙ୍କାର ସ୍ଥାବର, ଅସ୍ଥାବର ସମ୍ପତ୍ତି କରିଛନ୍ତି । ଆଜି ସେ ଭିଜିଲାନ୍ସ ଜାଲରେ ଧରା ପଡ଼ିଥିବା ବେଳେ ସନ୍ଧ୍ୟା ସୁଦ୍ଧା ତାଙ୍କର ୩ କୋଟି ୮୫ ଲକ୍ଷ ୭୫ ହଜାର ୩୨୬ ଟଙ୍କାର ସ୍ଥାବର, ଅସ୍ଥାବର ସମ୍ପତ୍ତି ଥିବା ଜଣାପଡ଼ିଛି । କେବଳ କଟକ ଭୁବନେଶ୍ବର-ଟ୍ୱିନ୍ ସିଟିରେ ତାଙ୍କର ୭ଟି ପ୍ଲଟ୍ ଅଛି । ଭୁବନେଶ୍ବର ଡୁମଡୁମା କସମୋପଲିସ୍ ଆପାର୍ଟମେଣ୍ଟରେ ଗୋଟେ ୪ ବିଏଚକେ ଫ୍ଲାଟ୍ ଅଛି । ମର୍ସିଡିଜ୍, ଇନୋଭା, ବ୍ରାୟୋ ଏବଂ ଆଇ-ଟେନ୍ ୪ଟି କାର୍ ସହ ୨ଟି ମୋଟର ସାଇକେଲ ଅଛି । ୩ ଲକ୍ଷ ୯୦ ହଜାର ଟଙ୍କାର ୪ ଲକ୍ଷ ଟଙ୍କାର ସୁନା ଓ ହୀରା ଅଳଙ୍କାର, ନଗଦ ୩ ଲକ୍ଷ ୪୪ ହଜାର ୭୯୦ ଟଙ୍କା ଜବତ କରାଯାଇଛି । ୧୩ ଲକ୍ଷ ୯୨ ହଜାର ୨୮୨ ଟଙ୍କାର ବିଭିନ୍ନ ଘରକରଣା ସାମଗ୍ରୀ ଏବଂ ପାଖାପାଖି ସାଢେ ୭ ଲକ୍ଷ ଟଙ୍କାର ବ୍ୟାଙ୍କ ଓ ବୀମା ଜମା ରଖିଛନ୍ତି ଆରଟିଓ ବସନ୍ତ ବେହେରା । ବସନ୍ତଙ୍କ ଆୟ ବହିର୍ଭୁତ ସମ୍ପତ୍ତି ବାବଦରେ ଠୋସ୍ ସୂଚନା ପାଇବା ପରେ ଭିଜିଲାନ୍ସ ଆଜି ତାଙ୍କ ଢେଙ୍କାନାଳ ଅଫିସ୍ ଓ ସରକାରୀ ବାସଭବନ ସମେତ କଟକ, ଭୁବନେଶ୍ବର ଏବଂ ପୈତୃକ ଘର ଯାଜପୁର ଆରିକାନାରେ ଏକକାଳୀନ ଚଢାଉ କରିଥିଲା ।

298 Views

   ସମ୍ବନ୍ଧିତ ଖବର