ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ: ତାରାତାରିଣୀଙ୍କ ପୀଠରେ ନୂତନ ମନ୍ଦିର ପ୍ରତିଷ୍ଠା ଉତ୍ସବ, ଯୋଗଦେବେ ମୁଖ୍ୟମନ୍ତ୍ରୀ
  • ||
  • ପୁରୀ : ରଥଯାତ୍ରା ପାଇଁ ଚଳଚଞ୍ଚଳ ରଥଖଳା, ଚକ ନିର୍ମାଣରେ ବ୍ୟସ୍ତ ମୁଖ୍ୟ ବିଶ୍ୱକର୍ମା
  • ||
  • ଉଦଳା: ପ୍ରେମିକାକୁ ଦେଖାକରିବାକୁ ଯାଇଥିଲେ ପ୍ରେମିକ ଧରାପଡିଗଲେ, ଦେଖାଇଲେ ବନ୍ଧୁକ
  • ||

ଚାଷୀଙ୍କଠୁ ଧାନ କିଣାରେ କରାଯାଉଛି ଅନିୟମିତତା, ସରକାରଙ୍କ ଉପରେ ଗର୍ଜିଲା କଂଗ୍ରେସ: ଉତ୍ତର ରଖିଲେ ମନ୍ତ୍ରୀ

10/12/2018 at 2:12 PM

ଭୁବନେଶ୍ୱର ୧୦/୧୨ : ଧାନ ମଣ୍ଡି ଓ ଧାନ କିଣା ନେଇ ଚାଷୀଙ୍କ ସମସ୍ୟା ୨/୩ ଦିନ ଭିତରେ ସମାଧାନ କର | ନଚେତ କଂଗ୍ରେସ ରାଜରାସ୍ତାକୁ ଓହ୍ଲାଇବ ବୋଲି ରାଜ୍ୟ ସରକାରଙ୍କୁ ଚେତାବନୀ ଦେଇଛି କଂଗ୍ରେସ | ୨/୩ ଦିନ ଭିତରେ ଚାଷୀଙ୍କ ଧାନ କିଣାଯାଉ | ଛଟନି କଟନି ବନ୍ଦ କରାଯାଉ | ମନ୍ତ୍ରୀ ସୂର୍ଯ୍ୟ ପାତ୍ର ଚାଷୀଙ୍କ ପାଇଁ ନା ମିଲରଙ୍କ ପାଇଁ ବୋଲି ପ୍ରଶ୍ନ କରିଛି ମଧ୍ୟ କଂଗ୍ରେସ | ବେଈମାନ ସରକାର ଦଲାଲମାନଙ୍କ ହାତରେ ଧାନ କିଣୁଛନ୍ତି | ସରକାରୀ କର୍ମଚାରୀ, ମନ୍ତ୍ରୀ, ମିଲରମାଲିକଙ୍କ ମଧୁ ଚନ୍ଦ୍ରିକା ଚାଲିଛି | ଚାଷୀ ଆତ୍ମହତ୍ୟା କଲେ ମନ୍ତ୍ରୀ, ସଚିବ, ମୁଖ୍ୟମନ୍ତ୍ରୀ ଦାୟୀ ରହିବେ | ମିଲରମାନେ ଚାଷୀଙ୍କ ଉପରେ ଚାପ ପକାଉଛନ୍ତି | କ୍ୱିଣ୍ଟାଲ ପିଛା ସେମାନଙ୍କ ୧୦ରୁ ୧୨ କେଜି ଧାନ କଟାଯାଉଛି | ଚାଷୀ ଆତ୍ମହତ୍ୟା ରିପୋର୍ଟକୁ ସରକାର ଚାପି ଦେଉଛନ୍ତି | ସରକାର ଗାଲୁଆମୀ କରୁଛନ୍ତି ବୋଲି ତାରା ପ୍ରସାଦ ବାହିନୀପତି ଆଜି ଏକ ସାମ୍ବାଦିକ ସମ୍ମିଳନୀରେ ରେଖିଛନ୍ତି | କୃଷି ବଜେଟ ନାଁରେ ଚାଷୀଙ୍କୁ ରାଜ୍ୟ ସରକାର ପ୍ରତାରିତ କରୁଛନ୍ତି ବୋଲି ସେ ଅଭିଯୋଗ କରିଛନ୍ତି |

ଅପରପକ୍ଷରେ ଧାନ କିଣାକୁ ନେଇ ମନ୍ତ୍ରୀ ସୂର୍ଯ୍ୟ ପାତ୍ର ପ୍ରତିକ୍ରିୟା ରଖିଛନ୍ତି | ସେ କହିଛନ୍ତି ଯେ, ଚାଷୀମାନେ ବୁଝୁନାହାନ୍ତି | ମିଲରମାନେ ଜିଦ କରୁଛନ୍ତି | ମିଲର କହୁଛନ୍ତି ଏଫଏକ୍ୟୁ ନହେଲେ ଧାନ ନେବେ ନାହିଁ | କେନ୍ଦ୍ର ସରକାରଙ୍କ ନିର୍ଦେଶରେ ଧାନ କିଣା ଚାଲିଛି |


ସମସ୍ତ ଜିଲ୍ଲାପାଳଙ୍କୁ ନିର୍ଦେଶ ଦିଆଯାଇଛି ଯେ, ମିଲର ଓ ପିଏସିଏସ କଟନି ଛଟନି କଲେ ତୁରନ୍ତ ଗିରଫ କରି ମିଲ ସିଜ କରିବାକୁ | ପିଏସିଏସ ୨୪ ଘଣ୍ଟାରୁ ଅଧିକ ଧାନ ରଖିପାରିବ ନାହିଁ | ୨୩ଟି ଜିଲ୍ଲାରୁ ଅଧିକ ଜିଲ୍ଲାରେ ଧାନ କିଣା ଆରମ୍ଭ ହୋଇଛି | ପଶ୍ଚିମ ଓଡିଶାରେ ପ୍ରଥମେ ଧାନ କଟା ଯାଇଥିବାରୁ ସେଠାରେ ପ୍ରଥମେ ଧାନ ସଂଗ୍ରହ ଆରମ୍ଭ ହୋଇଛି | କଳାହାଣ୍ଡି ଓ ନୂଆପଡାରେ ସମସ୍ୟା ଥିଲା | ସମାଧାନ ହୋଇସାରିଛି | ଆସନ୍ତା ୧୫ ତାରିଖରୁ ଗଞ୍ଜାମରେ ଧାନ କିଣା ଆରମ୍ଭ ହେବା |

   Related Posts